Үйлчилгээний нөхцөл

1. Ерөнхий

Энэхүү нөхцөл нь Пиксел Аксора ХХК (цаашид «QURL») -ийн qurl.mn домэйн дээр үзүүлж буй баталгаажсан богино холбоосын үйлчилгээ (цаашид «Үйлчилгээ»)-г ашиглахтай холбоотой харилцааг зохицуулна. Үйлчилгээг ашигласнаар та энэхүү нөхцөлийг хүлээн зөвшөөрсөнд тооцно.

Гэрээт байгууллагатай байгуулсан тусгай гэрээ энэхүү нөхцөлөөс зөрвөл тухайн гэрээ давуу хүчинтэй.

2. Үйлчилгээ ашиглах эрх

• Холбоос үүсгэх эрхийг зөвхөн QURL-тэй бичгээр гэрээ байгуулсан хуулийн этгээд (цаашид «Гэрээт байгууллага») эдэлнэ. Нийтийн бүртгэл байхгүй.
• Гэрээт байгууллагын ажилтан зөвхөн урилгаар бүртгэл үүсгэнэ. Бүртгэлийн нууц үг, API түлхүүрийг хадгалах үүргийг Гэрээт байгууллага хариуцна.
• Холбоос нь зөвхөн тухайн байгууллагын эзэмшдэг болохыг DNS-ээр баталгаажуулсан, QURL зөвшөөрсөн домэйн руу чиглэнэ.

3. Гэрээт байгууллагын үүрэг

• Зөвхөн өөрийн эзэмшдэг, хууль ёсны үйл ажиллагаанд ашигладаг домэйнийг бүртгүүлэх;
• Холбоосыг хууран мэхлэх, бусдын нэрийг ашиглах, хортой програм тараах, хууль бус агуулгад ашиглахгүй байх;
• Домэйн, вэб сайтынхаа аюулгүй байдлыг хангах, хакердагдсан тохиолдолд QURL-д нэн даруй мэдэгдэх;
• DNS баталгаажуулалтын TXT бичлэгийг гэрээний хугацаанд хадгалах;
• Гэрээний төлбөрийг хугацаанд нь төлөх.

4. QURL-ийн эрх

• Хэрэглэгчийг хохироож болзошгүй гэж үзсэн холбоосыг урьдчилан мэдэгдэлгүйгээр зогсоох. Зогсоосон шалтгааныг Гэрээт байгууллагад мэдэгдэнэ.
• Нөхцөл зөрчсөн Гэрээт байгууллагын эрхийг түдгэлзүүлэх.
• TXT бичлэг 7 хоногоос дээш олдохгүй бол тухайн домэйний зөвшөөрлийг цуцлах.
• Олон нийтээс ирсэн луйврын мэдэгдлийг шалгаж, шаардлагатай бол холбогдох байгууллагад шилжүүлэх.

5. Гэрээний хугацаа ба дуусгавар болох

Гэрээний хугацаа дууссаны дараа шинэ холбоос үүсгэх боломжгүй болно. Өмнө нь илгээсэн холбоос хэрэглэгчдэд гэнэт ажиллахгүй болохоос сэргийлж хуучин холбоосууд дараагийн 30 хоног ажилласаар байх ба түүнээс хойш зогсоно. Гэрээ сунгагдвал бүх холбоос хэвийн ажиллана.

6. Үйлчилгээний тасралтгүй байдал

QURL үйлчилгээг тасралтгүй ажиллуулахыг зорино. Төлөвлөгөөт засвар үйлчилгээний талаар урьдчилан мэдэгдэнэ. Гуравдагч этгээдийн дэд бүтэц (интернэт, DNS, хостинг)-ийн доголдлоос үүдсэн тасалдалд QURL хариуцлага хүлээхгүй.

7. Хариуцлагын хязгаар

Холбоосын очих хаяг дахь агуулгыг Гэрээт байгууллага бүрэн хариуцна. QURL-ийн хүлээх хариуцлага нь тухайн Гэрээт байгууллагын сүүлийн 12 сард төлсөн үйлчилгээний төлбөрийн хэмжээнээс хэтрэхгүй.

8. Мэдээллийн нууцлал

Хувийн мэдээллийг Нууцлалын бодлого-ын дагуу боловсруулна.

9. Нөхцөл өөрчлөх

QURL энэхүү нөхцөлийг өөрчилж болох бөгөөд өөрчлөлтийг хүчин төгөлдөр болохоос 30 хоногийн өмнө Гэрээт байгууллагад имэйлээр мэдэгдэнэ.

10. Маргаан шийдвэрлэх ба холбоо барих

Маргааныг талууд харилцан зөвшилцөх замаар, шийдэгдэхгүй бол Монгол Улсын хууль тогтоомжийн дагуу шүүхээр шийдвэрлэнэ.

Холбоо барих: info@qurl.mn · +976 99441406